دبئی (طاہر منیر طاہر) متحدہ عرب امارات میں ایک سوشل میڈیا گروپ "پاکستانیز ان دبئی ” نے پاکستان کی 77ویں یوم آزادی کی شاندار تقریب دبئی میں منعقد کی جس میں متحدہ عرب امارات کے طول و عرض سے پاکستانیوں کی ایک بڑی تعداد نے شرکت کی –
سوشل میڈیا گروپ پاکستانیز ان دبئی کی جانب سے منعقد ہونے والی تقریب میں تمام پاکستانی اس پرچم کے ساۓ تلے ہم ایک ہیں کی عملی تصویر نظر آۓ ۔ تقریب شام 6بجے سے شروع ہوئی اور رات گیارہ بجے تک جاری رہی جس میں امارا ت کی اہم شخصیات، فیملیز اور بچوں نے بھرپور شرکت کی ۔ بچوں کے ہردل عزیز دبئی کے مشہور جادو گر عاشق نے اپنے جادوی جوہر دکھا کر بچوں اور بڑوں سے خوب داد وصول کی ۔
بچوں نے پاکستان کے جشن آزادی کے حوالے سے ڈرائنگ کے مقابلوں کے مقابلوں میں حصہ لیا، مرد و خواتین نے نہ صرف ثقافتی لباس پہن کر وطن سے محبت کا اظہار کیا اور ملی نغموں کے مقابلوں میں بھی بھر پور حصہ لیا ۔
ناصر بنگش فاونڈر پاکستانیز ان دبئی نے مینجمنٹ ٹیم شیخ عمرفاروق ، ذہیب نبیل ، فہد شاہد ، ردا ارسلان ، آصف بلا، رمشا، زین العابدین ، نصر گل زمان ، ولید پرویز کا کامیاب ایونٹ کروانے پر شکریہ بھی ادا کیا ۔ اس تقریب میں ثقافتی ملبوسات، میوزیکل شوز، اور روائتی سرگرمیاں شامل تھیں ۔ ناصر بنگش فاونڈر پاکستانیز ان دبئی اور مینجمنٹ ٹیم کے لیڈر شیخ عمرفاروق کا میڈیا سے گفتگو کرتے ہوۓ کہنا تھاکہ اس تقریب کا مقصد دھرتی ماں سے عقیدت کا اظہار ہے انہوں نے متحدہ عرب امارات میں بسنے والے پاکستانیوں پر زور دیا کہ وہ اماراتی قوانین کی پاسداری کو یقینی بنا کر پاکستان کا نام روشن کریں – تجدید عہد وفا اور پاک یو ای زندہ باد کے نعروں کے ساتھ یہ شاندار تقریب اختتام پذیر ہوگئی اور مائی ڈریم کیک کی جانب سے جشن آزادی کا کیک بھی کاٹا گیا-اس موقع پر لوگوں میں انعامات کی تقسیم اور عمرہ کا ٹکٹ بھی دیا گیا۔
ٹیپ ٹیپ کی طرف سےپاکستان رقوم بنک چینلز اور لیگل بھیجنے کے حوالے سے لوگوں میں آگاہی بھی فراہم کی گی تاکہ عوام پاکستان میں بیرون ملک سے اپنی رقوم صحیح طریقہ سے بھیجیں اور پاکستان کی معیشت کو مضبوط کریں-
